TUISBLAD INLIGTING KONTAK ONS ROETES VIR DIE JAAR
	Tsitsikamma Voetslaanpad

Ligging:
Die Tsitsikamma voetslaanpad is gelee tussen Nature's Vally en Stormrivierdorp of die brug oor die Stormsrivier. Die amptelike beginpunt is by de Vasselot kampeerplek. Veilige parkering is beskikbaar by die beginpunt by  Devasselot.

Algemeen:
Dit is 'n 6 dag roete van 60km of 62km. Dit roete is hoofsaaklik in die Tsitsikammaberge langs fynbos, inheemse woude, riviere en pragtige uitsigte.
Alle hutte is uitstekend toegerus met stapel beddens, braai lapa, vuurmaakhout, braairoosters, twee koue storte, spoel toilette, wasbakke, potte en ketels. Stortwater kan warm gemaak word m.b.v. ketels en 'n spesiale strorthouer. Water is standaard by elke hut. Vuurmaakhout is nie beskikbaar by Kalander hut nie, a.g.v. die brug wat verspoel het kan die hut nie gediens word nie, maar dit is maklik om 'n sakkie hout saam te dra die eerste dag, slegs 2km.

Dag 1:    Devasselot na Kalanderhut  (3,6km)
A.g.v. die brug wat verspoel het is die roete verander en stap mens langs Grootrivier lagoon na die Kalanderhut, dit is slegs 2km. Goeie advies is om vroeg na Kalander hut te gaan en die dag heerlik op die Nature's Vally strand deur te bring. Die Kalander hut is net-net in die bosse langs die Lagoon, naby die strand.

          
Stap langs lagoon                                                       Kalanderhut                                                             Braai

 
Nature's Vally   

Dag 2:   Kalanderhut na Blaauwkranshut (14,7km)
Die eerste ent oor Douwurmkop in fynbos, maar die meeste van die tyd is dit die pragtige inheemse woud. Geleidelik klim mens op met Blackwood path na die Tsitsikammaberge en net na 10km kry mens 'n swemgat met die kenmerkende koffie-kleurige water van die Tsitsikamma.  

       
Douwurmpad                                            Nature's Vally                                                                                   

           
Outeniqua Geelhout (Kalanderboom)                                                                                                                                                                                   

                                 
                                                                   Moenie vergeet om terug te kyk vir 'n pragtige uitsig na die Blaauwkransrivierbrug.

Die Tolbosrivier vorm ‘n diep kloof en die Blaauwkranshut is op die rant van hierdie kloof gelë. Vanaf die Blaauwkranshut is ‘n pragtige uitsig op die Tolbosrivier met sy koffie-kleurige swempoele en waterval. Die swempoele is ‘n ideale afkoel plek. In die rigting van die volgende dag se stap is ‘n pragtige uitsig op Fromosapiek.

Dag 3: Blaauwkranshut na Keurboshut (13,4km)
Dag drie neem mens diep in die verafgeleë Tsitsikammaberge en inheemse woude. 

By  ±5km kruis mens die berugte Blaauwkransrivier, alhoewel die rivier is hier baie makliker om te kruis as by die Otter voetslaanpad. Daar is ook ‘n ketting aangebring vir veiligheid indien die rivier sterk sou vloei. Haal gerus die rugsakke af vir teetyd en geniet ‘n heerlike swem in Blaauwkrans-swempoel naby die kruising. Wat ‘n lieflike swempoel! Die res van die roete is in fynbos en deur ‘n gedeelte van Benebos. Selfs tydens die droogte van 2010 was waterstroompies volop langs die roete.

Dag 4:    Keurboshut na Heuningboshut  (13,4km)
Weereens ‘n groot verskeidenheid en afwisseling van, fynbos, inheemse woude, interessante rivier kruisings en uitsigte. Na ongeveer 1,5km kruis mens die Lotteringrivier waarna “Rushes-pass” volg. Die pas het ongeveer 300m hoogte styging, maar a.g.v. die uitstekende uitleg van die Tsitsikamma voetslaanpad klim die hoogte geleidelik en voor jy moeg word is jy bo en geniet jy die pragtige uitsig.

   
Na “Rushes-pass” sak die roete af na die Elandsbosrivier en hier is werklik pragtige swempoele. Dit is ongeveer by 6km en ‘n ideale plek vir tee tyd en swem in die poele. Moenie hier verby stap nie!

      
Daarna volg die Heuningbos inheemse woud met reusagtige varings. Die laaste ent sak mens af na die Kleinbosrivier en dan is jy by Heuningboshut. In die Kleinbosrivier is weereens heerlik swempoele en ‘n waterval.

Dag 5: Heuningboshut na Sleepkloofhut (14km)
Die grootste deel van die dag is deur ongerepte bergfynbos en die eerste pas vir die dag is Splendid Pass, ongeveer 300 meter hoogte styging. Splendid Pass is vernoem na die protea spesie “Mimetes splendidus” meer bekend as “Splendid Pagoda” wat algemeen voorkom in die pas. Na Splendid Pass is dit af na die Wittekliprivier en dan volg Nademaalsnek.

Bo van Nademaalsnek is ‘n pragtige uitsig oor die Stormsrivier vallei. As mens bo in Nademaalnek staan en die uitsig geniet dan besef jy hierdie pragtige voetslaanroete is amper verby. Kon dit nie langer gewees het nie, sewe of agt dae….

       
Die laaste ent na Sleepkloofhut is deur pragtige inheemse woud.

Dag 6:    Sleepkloofhut na Stormsrivierdorp (5km)
Die laaste dag kan mens kies om by die Paul Sauer Brug te eindig of by Stormsrivier-dorpie. Ons het verkies om by die Dorpie te eindig en oppad na die dorpie ‘n ekstra entjie gestap na die “Big tree”. Die laaste dag is regtig ‘n antiklimaks, nie dat die inheemse woude nie mooi is nie, maar omdat dit die einde van die roete is.....

 
In die dorpie het ons vir oulaas ‘n heerlike koppie koffie en koek geniet by The Coffee Pot.