Ligging: Die Tepelkop Voetslaanpad is geleë in die Witteberg, sowat 16 km wes van Slabberts, 40 km vanaf Bethlehem en 40 km vanaf Fouriesburg. Algemeen: Die getal stappers wat die voetslaanpad betree word beperk tot 20 per dag. Die voetslaanpad strek oor twee dae, met ‘n totale afstand van ongeveer 20 km. Die eerste dag se roete is sowat 12 km en die tweede dag 8 km. Die voetslaanpad vorm twee sirkelroetes vanuit die basiskamp. Oornaggeriewe: BASISKAMP FASILITEITE Stappers wat dieTepelkop Voetslaanroete wil stap het 'n keuse van akkomodasie by: Die Tepelkop Skuur, of die Tepelkop Pophuise. Fasiliteite verskil, maar word aangebied om vir die stapper sowel as die selfsorg huisgas, wat ook die roetes wil stap, te pas.
TEPELKOP SKUUR Semi luukse stap akkomodasie. 5 stapelkbeddens dus 10 beddens en matrasse per kamer. Elke kamer het ‘n aanlopende ablusie blok, baie netjies geteel, met twee storte, toilette en wasbakke . Die kombuis is uitstekend uitgerus met elektrisiteit , 4 plaat elektriese stoof, yskas, vrieskas, rooster, ketel, mikrogolf oond, borde, glase, potte, panne,elektriese braaiapan en gerieflike sitplek. U word aangeraai om nie later as 8h30 te begin stap op die lang roete. Dra genoeg water saam - tot 2 liter in die droeë seisoene. Die meeste strome is nie standhoudend nie.
Op na Tepelkop
Bo op Tepelkop, 'n stapel klippe is beging (hoop ander dra ook 'n klip tot bo) !! Dag Een (12 km) Loop deur die hek op die plaaspad, verby die populierbos en volg die jeeppad deur die hek. Die roete sigsag met die berg op oor verskeie stroompies ( nie altyd water nie) en tot by die eerste sandsteen rif. Hier is lekker skuiling vir ‘n ruskansie by ‘n groot wit stinkhoutboom. Die roete beweeg opwaarts op die sandsteen plate ( wees versigtig in nat omstandighede)tot bo op die plato met die eerste uitsig op Tepelkop. Na ‘n kort stap op die grasveld, gaan die roete by die grensdraad berg- op. Hier is daar ‘n asemrowende 180 grade uitsig oor die omliggende omgewing, Die Malutis in die verte, oor die Witteberge na Visierskerf en die drie pieke wat in ‘n ry met Tepekpop le. Hierna is daar ‘n stywe klim met Tepelkop op tot mens eindig in die saal van die twee pieke. Hier is verskeie rotsbedekte polle met die Vingelpol( euphorbia). Die roete volg die grensdraad vir ‘n kort entjie voordat dit baie gemaklik op die kontoere op die eerste piek loop en beweeg af tussen ou hout bome tot op die hange van die tweede piek. Hier is daar interessante sandsteen rotse waardeur mens loop, Die derde piek se pad loop gemaklik op die kontoere en uit die struike ui. Die roete begin af te beweeg deur verskeie ou hout bosse oor die draad en hier sal die Malutis oor die laslappies van die nabye lande pragtig vertoon, Die roete hou bo die rooi sandsteen rif vir ‘n kort wyle en begin dan afwaarts draai net voor die vierde piek in ‘n suidwaartse rigting. Dan hou die roete al langs die inheemse bos tot by ‘n spierwit sandsteen plaat. Die roete sny oos deur verskeie groot rotse, deur ou hout bos tot by die oorhang sandsteenkranse. Hier is dit ‘n ander wereld - dit lyk kompleet of die sandsteen mure bedek is met baarde gras en varings wat bedrup word met water vanuit die bergstroompies. Wees baie versigtig want die area is baie nat en glyerig. Die roete is mooi oopgemaak en die boomwortels bied lekker trappies. Hierdie deel van die roete is manjifiek - langs die sandsteen mure, omtrek met inheemse bome en varings onder voet in baie baie diep skadu.
Die roete die sandsteen verlaat die oorhang en kronkel deur groot rotse wat van die berg afgerol het tot by die ou Lynfontein plaaswerf met ou vrugte boorde en dennebome. Die laaste 3 km of so volg die jeeppad deur mielielande verby die populierbos aan die begin en eindig by die basiskamp.
Dag Twee (8 km) Die eerste gedeelte loop vanaf die basiskamp langs die stroompie op met die berg tot bo op die plato. Dan swenk die roete in ‘n noordelike rigting en stap deur grasvelde tot by die rotslys. Die roete sak af met die berg by die sandsteen kranse tot onder. Die roete volg die dongas verby groot dennebome en gaan oor die waterstroom bine in die dongas by ‘n groot denneboom. Die roete hou dan aan die regterkant van die dongs en kruis weer ‘n paar keer totdat die roete allangs die draad beweeg waar die stroompie in twee deel. Die laaste 2km volg die roete die jeepspore deur ‘n hek oor die stroompie en kom om dieselfde paadjie wat die vorige dag terugwaarts keer.
Terug by die basiskamp sal daar genoegsaam tyd wees om vir oulaas te swem in die plaasdam en te verfris voor die terugtog huis toe. Klimaat: Die Witteberg het ‘n klimaat van uiterstes met baie warm somers en baie koue winters. Die temperatuur styg gedurende somersmaande dikwels tot bo 30°C en daal gedurende die wintermaande gereeld tot onder vriespunt. Die heersende winde van die gebied is wes tot noordwes. Die gebied kry ‘n gemiddelde reënval van 500 mm per jaar en die meeste reën val in die somermaande, veral vanaf Januarie tot Maart. Reënval kom veral voor in die vorm van donderstorms in die namiddae. Die roete kan die hele jaar gestap wod, maar die berg en plantegroei is op sy mooiste gedurende die somermaande en in die herfs.
Plantegroei: Die plantegroei van die Witteberg is nog in ‘n groot mate ongeskonde. Die groot verskeidenheid plantspesies wat aangetref word is hoofsaaklik toe te skryf aan die feit dat die berg in ‘n oorgangsone tussen die droeër en natter klimaatstreke geleë is. Kloofwoud en fynbos met ‘n beperkte omvang van bergvarings word ook op verskeie plekke teëgekom. Daar is heelwat boomsoorte geïdentifiseer op die berg, waarvan die algemeenste op die roete die karee, gewone taaibos, bloughwarrie en ouhout is. Besondere en seldsame spesies vir die spesifieke omgewing is die vingerpolle.
Dierelewe: Van die wild wat natuurlik voorkom op die berg is die sprinbok, blesbok, vaalribbok, bobbejane, ystervark, erdvark, rooikat, duiker, steenbok, hase, meerkaaie, dassies, muise, otters ens. Die gelukkige stapper sal die skaam bruin hiena dalk sien wat in die omgewing rondswerf. Die gebied het ‘n ryk voëllewe. Daar is 44 voëlspesies wat in die gebied kan voorkom identifiseer..
Rotsformasies: Die sigbare rots van die berg bestaan hoofsaaklik uit holkranssteen, terwyl moddersteen ook in die laer gedeeltes van die berg aangetref word. Die sandsteen is verweer tot allerlei Rotsformasies: Die sigbare rots van die berg bestaan hoofsaaklik uit holkranssteen, terwyl moddersteen ook in die laer gedeeltes van die berg aangetref word. Die sandsteen is verweer tot allerlei interessante vorme en fatsoene wat veral bydra tot die natuurskoon van die gebied. Heelwat holkranse word op die berg aangetref, terwyl gate en skeure in die rots ook algemeen is. Opsomming: Tepelkoproete is 'n baie lekker naweek basiskamp roete. Ek beskou dit as 'n maklike roete. Kliek:
|
