TUISBLAD INLIGTING KONTAK ONS ROETES VIR DIE JAAR

Slaapsakke      

Kyk na die volgende as jy 'n slaapsak wil aankoop:

  • Temperatuurgradering

  • Materiaal tipe

  • Slaapsak vorm

  • Groote

Temperatuurgradering:
Slaapsakke  word ingedeel volgens die isolasie temperatuur. Dit is die minimum temperatuur wat die materiaal voldoende sal isoleer, of teen laer temperature gaan die isolasie nie meer werk nie. Byvoorbeeld 'n slaapsak met 'n +5 °C gradering sal temperature +5 °C en hoër goed isoleer, maar laer as 5 c gaan dit nie meer voldoende wees nie. Of byvoorbeeld 'n slaapsak met  -5 °C gradering sal temperature van -5 °C en hoer goed isoleer, maar laer as -5 °C gaan dit nie meer voldoende wees nie. Die temperatuurgradering is gewoonlik vir 'n persoon met 'n kortbroek en 'n T-hemp. Maak gebruik van 'n sweetpak ens. indien jy koud kry.

Hou in gedagte waarvoor gaan jy die slaapsak gebruik, in 'n stappershut of in 'n tent.
In 'n stapperhut slaap jy gewoonlik op 'n stapelbed weg van die vloer en op 'n sponsmatras. Jy is dus goed geisoleer teen die koue van onder.
In 'n stapperstent lê jy op die grond en is die isolasie van 'n slaapmatjie uiters belangrik.Die koue kom van onder en 'n slaapsak met 'n goeie temperatuur gradering is nodig. Die isolasie van selfopblaasmatrasse werk uitstekend.

Die vraag is nou wat se temperatuur gradering het 'n mens nodig vir voetslaan?
Hier is 'n bietjie aardrykskundige kennis nodig van die omgewings waar jy gaan stap en watter tyd van die jaar gaan jy stap. Vir die meeste Voetslaanpaaie in SA is 'n +5 °C slaapsak voldoende, maar 'n winternag gaan dalk koud wees en mens wil graag snoesig slaap. Mens kry sommige slaapsakke wat geen temperatuur aanduiding het nie, wees versigtig, maar as dit nie koud is nie gaan dit tien teen een goed genoeg wees.

Materiaal:
Daar is baie materiale, maar die belangrikste is: Gewone sintetiese isolasie, "Hollow fibre" en Dons.
Gewone sintetiese isolasie. Seker die mees algemene slaapsak en baie voetslaners gebruik dit. Dit het gewoonlik geen temperatuurgradering nie, beskou dit as +5 °C, of +10 °C vir 'n dunnerige slaapsak.
Hollow fibre (sintetiese dons) ideaal vir die voetslaner, lig en isoleer baie goed. Mens kry dit in verskillende temperatuurgraderings en grotes. Let op, as daar nie 'n "Hollow Fibre" etiket is nie is dit nie 'n hollow fibre slaapsak nie. 'n Hollow fibre slaapsak sal ook altyd 'n aanwysing hê van die temperatuurgradering
Dons is uitstekend, die beste, maar is baie warm en duur. Dit word gebruik in uiters koue toestande, soos byvoorbeeld op die Drakensberge of in die Himalajaberge.
 

  • Gewone sintetiese isolasie beskou dit as +5 °C of as dit 'n dunnerige slaapsak is +10 °C

  • "Hollow fibre" Daar is verskillende temperatuur graderings 0, -5 °C en -10 °C

  • Dons -5 °C, -10 °C en selfs laer. Uitstekende slaapsakke.

Vorm en tipes:
Die gewone langwerpige slaapsak word deur meeste voetslaners gebruik.Sommige slaapsakke kan aan mekaar gerits word om 'n dubbel slaapsak te vorm.
'n Slaapsak wat ten volle kan ooprits is baie gemaklik, veral as mens in 'n voetslaanhut op normale stapelbedjies slaap. Gebruik 'n paslaken op die sponsmatras, saam met jou slaapsak wat ten volle oop gerits is, dit werk soos 'n duvet.
                                                        


Die mummie vorm is soos 'n koekon en pas die vorm van jou liggaam.Gewoonlik klein en lig.
                     

Grote:
Daar is verskillende lengtes en breedtes slaapsakke, kies dit wat vir jou gemaklik is.
Slaapsakke is oor die algemeen groot, maar daar is ook die wat baie lig en klein is. Hoe ligter en kleiner, hoe beter, maar 'n groot slaapsak is baie gemaklik.

Aanbeveling:
Vir voetslaan in SA word die volgende temperatuur graderings aanbeveel:

  • Slaap in voetslaanhut:

    • +5 °C vir meeste algemene voetslaanroetes in die somer, herfs en lente.

    • 0 °C of -5 °C vir meeste algemene voetslaanroetes in die winter.

  • Tent-stap

    • +5 °C 0 °C in die somer, herfs en lente.

    • 0 °C of -5 °C in die herfs en lente

    • -10 °C vir die Drakensberg en ander koue plekke.

Vir die meer ernstige stapper, koop 'n somer en 'n winter slaapsak.
Langwerpig of mummie tipe slaapsak, dit bly 'n persoonlike keuse. Die mummie tipe is klein en lig, maar persoonlik voel ek baie ongemaklik in die mummie tipe slaapsak, maar baie voetslaners hou daarvan.

Na Bo