Dit is baie moeilik om verskillende roetes teen mekaar op te weeg, want smaak verskil en sommige moeilike roetes kan swak beoordeel word bloot omdat 'n stapper te swaar gekry het. Die teendeel is ook waar, baie maklike roetes wat baie mooi is kan swak beoordeel word, omdat dit te toeganklik is vir te veel mense. Vir my persoonlik is luukse hut verblyf nie 'n faktor nie en het ek dit glad nie in berekening gebring met die opstel van die top tien lys nie. Verder moet in gedagte gehou word dat die seisoen 'n groot rol kan speel, 'n roete kan byvoorbeeld baie mooier in die reën seisoen wees, as anders. Sekere roetes is baie seisoen gebonde en kan net in 'n sekere tydperk gestap word. Suid Afrika is 'n land waar droogtes dikwels voorkom en 'n groot droogte kan enige mooi roete nadelig beinvloed. Tog hoor ons dikwels die vraag. "Wat is die top tien roetes ?" Die lys hieronder is my persoonlik lys, alhoewel ek dit met baie stappers op vele roetes bespreek het, dink ek tog dat baie saam met my sal stem: 1 Oorlogskloof, Rock Pigeon. 2 Amatola (6 dae roete) 3 Otter 4 Outeniqua 5 Tsitsikamma 6 Fanie Botha 7 Magoebaskloof 8 Swellendam 9 Walvis 10 Naukluft
Soos ek gesê het smaak verskil, die Visrivier Canyon is nie eintlik deel van my top tien nie, maar dit is tog 'n baie unieke roete. Susan Havenga se lys (geen spesifieke rangorde nie): Wildekus roetes Strandloper / Walvis Amatola Fanie Botha Drakenberg Wildernis roetes Gaints Cup Magoebaskloof Outeniqua Emoyeni Visrivier
|
