Ligging: Die beginpunt van die Amatola Voetslaanroete is 13 km buite King Williams Town. Ry Noord met die Stutterheim pad en draai af by Madendam bordjie, ry oor die damwal tot by die Amatola bord, "Welcome to the Amatola Trail" en "Your 6 day 100km adventure STARTS HERE". Die Amatola Voetslaanroete eindig by die Tyumie River naby Hogsback.
Algemeen: Die getal stappers word beperk tot 16 per dag. Die voetslaanpad strek oor ses dae, met ‘n totale afstand van ongeveer 100 km. Daar is vyf oornag hutte, met geen hut by die begin en einde nie. Dit is 'n linêre roete en verblyf voor en na die roete moet beplan word. Die hoogte bo seespiël wissel tussen 518 meter by Madendam en 1850 meter op Geju-piek. Amatola is 'n Xhosa woord en beteken "baie kalfies". Soos in die foto gesien kan word, word die Amatola aangedui met geel voetspoortjies en die roete is baie duidelik gemerk. Klimaat: Alhoewel die Amatola is 'n somer reënval gebied val, kom reën reg deur die jaar voor. Die gemiddelde reënval is 1600mm per jaar, met die hoogste reëval tussen November en Maart.Laatmiddag reën, donderstorms en digte mis kom dikwels voor. In die wintermaande sneeu dikwels voor. Die temperatuur kan wissel van baie koud tot baie warm, maak voorsiening vir uiterstes. Oornag hutte: Drie van die vyf oornag hutte is vervang met nuwe hutte en die hutte is baie netjies. Ongelukkig was daar nie warm water by enige van die hutte gewees nie, want daar was geen gas silinders, vermoedelik gesteel. Die rede waarom die ou warmwater donkies by Cata en Zingcuka verwyder is, weet niemand. Dit kon tenminste twee aande warm water voorsien het, want vuurmaakhout was volop. Die terrein by sommige van die oornag hutte, is baie slordig, daar lê baie ou bou materiaal rond van die ou hutte, soos byvoorbeeld die twee ou warmwater donkies. By al die nuwe hutte is spoel toelette. By Gwiligwili, is twee baie netjiese "longdrops", die "longdrops" by Zingcuka is minder netjies. Dag 1 (15,3 km na GwiliGwili-hut) In die Amatola is daar feitlik elke dag ‘n keuse van ‘n ander roete, of links om, of regs om. Op die eerste dag is daar ‘n shortcut wat geneem kan word, maar ons het gekom om 100 kilometer of meer te stap en ons stap 15,3km. Pragtig, in inheemse woude langs en oor waterstroompies. Opdraand al die pad, 720 meter op tot by Gwiligwili-hut. Water is volop en by elke waterstroompie kan water geskep word.
Dag 2 (20km na Dontsa-hut) Klokslag 07:00 elke oggend het ons begin stap, weereens ‘n keuse van linksom of regsom, maar die afstand is dieselfde. Dit is ‘n warm dag en water is skaars. Weereens in inheemse woud, uitsig, en ook ‘n stukkie vervelige dennewoud. Dit is 100 meter opdraand en 300 meter afdraand. Gelukkig kry mens by ongeveer 17km ‘n stroompie, sjoe dit was lekker. Dontsa-hut is ‘n nuwe hut, baie mooi met spoel toilette. Vir meeste was dit die moeilikste dag. Dag 3 (19km na Cata-hut) Die dag begin met ‘n opdraande van 600 meter, in inheemse woud en water is volop. Op met Doornkop, die weer verander, dit word koud en mistig. Dikwels word die pragtige uitsig bederf met mis. Dan weer steil af met Doornkop (600 meter) en kry mens ‘n keuse van upper, middle of lower roete. Die lower roete is bietjie korter, maar baie moeiliker, want alles wat jy afklim (350 meter) moet jy weer opklim. Aangesien ek die vorige keer die lower roete gedoen het, wil ek hierdie keer die upper roete doen en die res van die groep besluit dieselfde as ek. Dit was maklik om in groepe te verdeel, want die roete is uitstekend gemerk. Die laaste gedeelte is gedeeltelik in inheemse woud en dan vervelige denne plantasies. Volgende keer doen ek weer die lower roete in Waterfall bush. By Cata-hut waai ‘n yskoue wind. Cata is ook ‘n nuwe hut, baie netjies.
Dag 4 (13,5km na Mnyameni-hut) Die mooiste dag! 500 meter op tot bo op Geju-piek. Die vorige keer was die piek toe in die mis en geen uitsig. Toe ons begin is die piek nog toe in die mis, maar soos ons vorder verdwyn die mis. Uiteindelik bo op die piek en ek kan my groepfoto neem met die mooiste uitsig in die Amatola. Pragtig! Dan af na Malanbos, oppad gaan mens oor ‘n einaardige streep rotse, wat vermoedelik die oorblyfsels is van ‘n gletser. Af in Malanbos, ses watervalle in ‘n ry, die mooiste stuk staproete in SA. Die Mnyameni-hut is ook ‘n nuwe hut, met slegs water in die rivierstroom, die keerwal wat die water voorsien is stukkend. Mnyameni – plek van donkerte (dit beteken eintlik donker bos) en dit was donker, donker maan en al. Hierdie gedeelte van die Amatola is die mees afgeleë gedeelte. Moeilik om te bereik. Dit is hierdie gedeelte wat ek oor-en-oor wil stap.
Dag 5 (18,2 km na Zincuka) 400 meter op en 400 af. Hoofsaaklik in inheemse woud, dan oor na die Wolfrivier valei. Hier is dit oop, al langs die Wolfrivier, stroomversnellings en Watervalle. Hier was vroër jare baie haenas, vandaar die Wolfrivier naam. Ongelukkig was dit te koud vir die swempoele, so ek sal weer moet terug gaan. Die laaste ent is ‘n baie steil afdraande, in inheemse woud, tot by Zincuka hut. Hier is ‘n houtbord wat bevestig dat die Amatolaroete op 21 Mei 1984 begin het. Dag 6 (15 km na die einde by die pragtige Tyumie River Waterval) 750 meter op en dan 750 meter af. Die eerste gedeelte is in Schartzwalt bos (inheems), met ‘n pragtige Waterval, dan op na Hogsbackpiek, ‘n Pragtige uitsig. Dan berg-af tot by die Tyumie River einde.
Opsomming: Die Amatola is soos ‘n drug, as jy by die einde kom en jy sien die bord, plaas dit jou op ‘n "high" wat jy vir die res van jou lewe sal onthou. “Congratulations!” “You have just completed 6 days 100 km” Die Amatola is ongeveer 100 km, soos reeds beskryf is daar verskillende opsies wat gekies kan word. Ons groep het ±101 km gestap. Onthou vanaf Tyumie River is dit nog 'n paar kilos se stap tot in Hogsback.
Statestieke: Gemiddelde kilos per dag: 16,8km Totale afstand: 101km Totale opdraandes: 3 420 meter vertikaal Totale afdraandes: 2 700 meter vertikaal Fotos: Dank aan Andries, Annatjie, Albert en Harry Bespreek by: Department of Water Affairs and Forestry tel. 043 642 2571 E-pos: amatolhk@dwaf.gov.za Verblyf: Voor en na die tyd kan bespreek word by “Away with the Faries” in Hogsback. Kontak Nell of Dan by tel. 045 962 1031 sell 074 114 7179 Vervoer na die beginpunt van die Amatola word verskaf deur John Tidy tel. 045 962 1033 John het ons met sy Landrover en nog ‘n bakkie na die beginpunt van die Amatola vervoer. Dit is 127km na die beginpunt. Die vervoer na die beginpunt maak die reëlings baie maklik, want jy stap terug na jou voertuig. Ons voertuie het veilig by John se huis gestaan. John Tidy |
